წესები და პირობები

1. ზოგადი დებულებები

1.1. წინამდებარე დოკუმენტი წარმოადგენს London Spot-ის ვებგვერდით სარგებლობის წესებსა და პირობებს.

1.2. წინამდებარე დოკუმენტი არის ორმხრივად მავალდებულებელი ხელშეკრულება, რომელიც ფორმდება მომხმარებელსა და შპს „ლონდონ სფოთ“-ს (ს.კ. 406403681, რეგისტრირებული მისამართი: ქ. თბილისი, ისნის რაიონი, საინგილოს ქ. N110) შორის.

1.3. წინამდებარე სარგებლობის წესებსა და პირობებში, კონფიდენციალურობის პოლიტიკაში და ყველა სხვა სახელმძღვანელოსა თუ ინსტრუქციაში შპს „ლონდონ სფოთ“ შემდგომში მოხსენიებული იქნება როგორც „London Spot” ან „ჩვენ“.

1.4. London Spot-ის ვებგვერდით სარგებლობის წესები და პირობები, მასში შეტანილ ცვლილებებთან და London Spot-ის სხვა რეგულაციებთან ერთად, წარმოადგენენ ერთიან დოკუმენტს და განხილულ უნდა იქნეს როგორც მომხმარებელთან გაფორმებული ერთიანი ხელშეკრულება.

1.5. ვებგვერდზე რეგისტრაციის ან/და პროდუქციის შეძენის დროს მომხმარებელი ეთანხმება და აღიარებს წინამდებარე წესებსა და პირობებს, კონფიდენციალურობის პოლიტიკას, დაბრუნებისა და გაცვლის წესებს, ასევე აცხადებს თანხმობას, გავრცელდეს მასზე მათი სამართლებრივი ძალა.

1.6. იმ შემთხვევაში, თუ მომხმარებელი არ ეთანხმება London Spot-ის სამართლებრივი დოკუმენტების შინაარსს, მას შეუძლია არ გამოიყენოს ვებგვერდი. ამასთან, London Spot მიმართავს მომხმარებელს თხოვნით, შენიშვნები მიაწოდოს ელექტრონულ ფოსტაზე.

სარჩევი

2. ტერმინთა განმარტება

წინამდებარე წესებსა და პირობებში გამოყენებულ ტერმინებს გააჩნიათ შემდეგი მნიშვნელობა:

• London Spot / კომპანია: საქართველოს კანონმდებლობის შესაბამისად დაფუძნებული შპს „ლონდონ სფოთ“ (ს.კ. 406403681).
• მომხმარებელი: იურიდიული პირი ან 18 წელს მიღწეული (ქმედუნარიანი) ფიზიკური პირი, რომელიც სარგებლობს ვებგვერდით ან/და იძენს მასზე განთავსებულ პროდუქციას.
• აუთლეტ (Outlet) პროდუქცია: ვებგვერდზე განთავსებული საქონელი, რომელსაც შესაძლოა გააჩნდეს მცირე ვიზუალური/ტექნიკური ნაკლი, დაზიანებული შეფუთვა ან იყოს წარმოდგენილი სპეციალური ფასდაკლებით, რის შესახებ წინასწარ არის მითითებული პროდუქტის აღწერაში.
• მომხმარებლის თანხმობა: წინამდებარე დოკუმენტის გაცნობისა და პერსონალური მონაცემების დამუშავების შესახებ გამოხატული ნება.
• პირდაპირი მარკეტინგი: ფოსტის, სატელეფონო ზარების, ელექტრონული ფოსტის ან სხვა სატელეკომუნიკაციო საშუალებით საქონლისა თუ მომსახურების შეთავაზება.
• ანგარიში: მომხმარებლის მიერ ვებგვერდზე რეგისტრირებული პირადი გვერდი.

სარჩევი

3. ანგარიშის გახსნა და რეგისტრაცია

3.1. ვებგვერდზე პროდუქციის შესაძენად საჭიროა რეგისტრაცია ან/და ავტორიზაცია, რისთვისაც მომხმარებელი უთითებს შემდეგ მონაცემებს:

• სახელი და გვარი
• ფაქტობრივი მისამართი
• საკონტაქტო ტელეფონის ნომერი
• ელექტრონული ფოსტა
• პაროლი

3.2. მომხმარებელი ადასტურებს და იძლევა გარანტიას, რომ:

• მის მიერ მითითებული ინფორმაცია არის სრული, უტყუარი და სწორი;
• იგი არის 18 წელს მიღწეული, სრულწლოვანი ქმედუნარიანი პირი;
• არ გამოიყენებს სხვა პირის მაიდენტიფიცირებელ მონაცემებს;
• არ გამოიყენებს სახელს, რომელიც შესაძლოა იყოს დამამცირებელი ან შეურაცხმყოფელი;
• დაიცავს საავტორო და ინტელექტუალური საკუთრების უფლებებს, არ განახორციელებს London Spot-ზე არსებული ლოგოს, სურათების, ტექსტების, გრაფიკისა და სხვა ინტელექტუალური საკუთრების უნებართვო გამოყენებას London Spot-ის წინასწარი წერილობითი თანხმობის გარეშე;
• არ განახორციელებს ისეთ ქმედებას, რომელიც საფრთხეს შეუქმნის ვებგვერდის გამართულ ფუნქციონირებას.

სარჩევი

4. შეკვეთის გაფორმება და ნასყიდობის პირობები

4.1. მომხმარებლის მიერ გაკეთებული თითოეული შეკვეთა წარმოადგენს ცალკეულ ნასყიდობის ხელშეკრულებას, რომლის მხარეები არიან მომხმარებელი და შპს „ლონდონ სფოთ“.

4.2. ანგარიშსწორების განხორციელებამდე მომხმარებელი ვალდებულია გადაამოწმოს მის მიერ მითითებული მისამართი და საკონტაქტო ინფორმაცია. არასწორი ან არასრული მისამართის მითითების შემთხვევაში, პროდუქციის მიწოდების შეფერხებაზე პასუხისმგებლობა ეკისრება მომხმარებელს.

4.3. პროდუქციის საფასურის სრულად გადახდის შემდგომ, შეძენილ ნივთზე საკუთრების უფლება გადადის მომხმარებელზე.

4.4. London Spot იტოვებს უფლებამოსილებას უარი თქვას ან გააუქმოს შეკვეთა თაღლითობის, უნებართვო ან უკანონო ტრანზაქციაზე ეჭვის არსებობის შემთხვევაში.

სარჩევი

5. აუთლეტ (Outlet) და ხარვეზის/დაზიანების მქონე პროდუქცია

5.1. London Spot-ის ვებგვერდზე განთავსებული პროდუქციის ნაწილი წარმოადგენს აუთლეტ (Outlet) კატეგორიას, რომელსაც შესაძლოა გააჩნდეს მცირე ვიზუალური ან ტექნიკური ნაკლი/დაზიანება (მაგ. დაზიანებული/გახსნილი შეფუთვა, მცირე ნაკაწრი, ვიზუალური ხარვეზი და ა.შ.).

5.2. თითოეულ ასეთ პროდუქტს ვებგვერდზე ახლავს შესაბამისი მინიშნება, დეტალური აღწერა ან/და ფოტოსურათი, სადაც მკაფიოდ არის განმარტებული არსებული ნაკლის/დაზიანების შესახებ.

5.3. მომხმარებელი შეკვეთის გაფორმებითა და პროდუქციის შეძენით ადასტურებს, რომ სრულად არის ინფორმირებული ნივთის არსებული ხარვეზის/დაზიანების შესახებ და ეთანხმება მას.

5.4. საქართველოს მოქმედი კანონმდებლობის შესაბამისად, მომხმარებელს არ აქვს უფლება მოითხოვოს პროდუქციის შეკეთება, შეცვლა, თანხის უკან დაბრუნება ან ფასის შემცირება იმ ნაკლის/დაზიანების საფუძვლით, რომლის შესახებ მას წინასწარ ეცნობა შეძენამდე (ვებგვერდზე პროდუქტის აღწერის/ფოტოს სახით).

5.5. საგარანტიო პირობები არ ვრცელდება პროდუქტის იმ ხარვეზებზე, რომლებიც მითითებული იყო პროდუქციის აღწერაში შეძენის მომენტში.

სარჩევი

6. მიწოდების წესები და პროდუქციის შემოწმება

6.1. შეძენილი პროდუქციის მიწოდებას ახორციელებს London Spot ან მის მიერ დაქირავებული საკურიერო მომსახურება.

6.2. საკურიერო მომსახურების გაწევის მიზნით, London Spot უფლებამოსილია მესამე პირებს (საკურიერო კომპანიას) გადასცეს მიწოდებისთვის აუცილებელი მონაცემები: მომხმარებლის სახელი, გვარი, მისამართი და ტელეფონის ნომერი.

6.3. მიწოდება თბილისის მასშტაბით ხორციელდება 3-5 სამუშაო დღეში. საკურიერო მომსახურების ღირებულება თბილისში შეადგენს 5 ლარს (თუ ვებგვერდზე კონკრეტულ აქციაზე სხვა რამ არ არის მითითებული).

6.4. პროდუქციის შემოწმება ჩაბარებისას: მომხმარებელი ვალდებულია კურიერისგან ნივთის მიღებისთანავე ადგილზე შეამოწმოს პროდუქტის ვიზუალური მდგომარეობა და შეადაროს იგი ვებგვერდზე მითითებულ აღწერას.

6.5. იმ შემთხვევაში, თუ ნივთს აღმოაჩნდება ისეთი დაზიანება, რომელიც არ იყო მითითებული ვებგვერდზე პროდუქტის აღწერაში, მომხმარებელი ვალდებულია დაუყოვნებლივ (კურიერის თანდასწრებით) შეადგინოს შესაბამისი აქტი ან განაცხადოს ამის შესახებ London Spot-ის მხარდაჭერის გუნდთან.

6.6. კურიერისგან ნივთის ჩაბარების (მიღება-ჩაბარების დასტურის) შემდეგ, London Spot არ მიიღებს პრეტენზიებს ნივთის ისეთ აშკარა ვიზუალურ დაზიანებებზე, რომლებიც არ ყოფილა დაფიქსირებული ჩაბარების მომენტში.

სარჩევი

7. ანგარიშსწორების წესი

7.1. ანგარიშსწორება ხორციელდება მხოლოდ უნაღდო ანგარიშსწორების გზით, საბანკო ბარათის მეშვეობით.

7.2. შეკვეთის გაფორმებისას მომხმარებელი გადამისამართდება პარტნიორი ბანკის დაცულ გვერდზე. London Spot-ს არ აქვს წვდომა მომხმარებლის საბანკო ბარათის მონაცემებზე.

7.3. ანგარიშსწორების წარმატებით დასრულების შემდეგ მომხმარებელი მითითებულ ელექტრონულ ფოსტაზე მიიღებს დასტურს შეკვეთის მიღების შესახებ.

სარჩევი

8. დაბრუნებისა და გაცვლის პოლიტიკა

8.1. შეძენილი პროდუქციის გაცვლისა და დაბრუნების დეტალური პირობები რეგულირდება მოქმედი კანონმდებლობითა და ვებგვერდზე განთავსებული დაბრუნების პოლიტიკით.

8.2. დისტანციური ნასყიდობისას, მომხმარებელს (ფიზიკურ პირს) აქვს უფლება, კანონით დადგენილ 14 კალენდარულ დღეში უარი თქვას ხელშეკრულებაზე, გარდა კანონით გათვალისწინებული გამონაკლისებისა და ამ დოკუმენტის მე-5 მუხლით განსაზღვრული წინასწარ შეთანხმებული ნაკლის შემთხვევებისა.

8.3. პროდუქციის დაბრუნებისას ნივთი წარმოდგენილი უნდა იყოს თავდაპირველ მდგომარეობაში (იმ ხარვეზის გათვალისწინებით, რაც შეძენამდე იყო მითითებული).

სარჩევი

9. პირდაპირი მარკეტინგი

9.1. მომხმარებელს უფლება აქვს რეგისტრაციისას ან ნებისმიერ დროს განაცხადოს თანხმობა ან უარი სარეკლამო/მარკეტინგული შეტყობინებების მიღებაზე.

9.2. მომხმარებელს ნებისმიერ დროს შეუძლია უარი თქვას მარკეტინგული შეტყობინებების მიღებაზე ელექტრონულ ფოსტაზე შესაბამისი შეტყობინების გაგზავნით ან ელ-ფოსტაში მითითებული სპეციალური ბმულის (Unsubscribe) გამოყენებით.

სარჩევი

10. პასუხისმგებლობის შეზღუდვა

10.1. London Spot უზრუნველყოფს თავდაცვის შესაბამისი მექანიზმების დანერგვას, თუმცა არ არის პასუხისმგებელი მესამე პირების მიერ არასანქცირებული შეღწევით მიყენებულ ზიანზე.

10.2. London Spot არ იძლევა გარანტიას, რომ ვებგვერდი იმოქმედებს შეუფერხებლად ან სრულიად თავისუფალი იქნება ტექნიკური ხარვეზებისა თუ ვირუსებისგან.

10.3. London Spot პასუხს არ აგებს ზიანზე, რომელიც გამოწვეულია მომხმარებლის მიერ ავტორიზაციის მონაცემების მესამე პირებისთვის გაზიარებით.

10.4. კომპანიის პასუხისმგებლობა, სასამართლოს მიერ მისი დადგენის შემთხვევაში, შეზღუდულია სადავო პროდუქტის ღირებულების ოდენობით, მოქმედი კანონმდებლობის ფარგლებში.

სარჩევი

11. ფორს-მაჟორი (დაუძლეველი ძალა)

11.1. მხარეები თავისუფლდებიან პასუხისმგებლობისგან ნაკისრი ვალდებულებების ნაწილობრივი ან სრული შეუსრულებლობისათვის, თუ ეს გამოწვეულია დაუძლეველი ძალის გარემოებებით (ფორს-მაჟორი).

11.2. ფორს-მაჟორად ითვლება: სტიქიური უბედურებები, ხანძარი, საომარი მოქმედებები, საგანგებო მდგომარეობა, სახელმწიფო ორგანოების გადაწყვეტილებები, გლობალური ინტერნეტ-ქსელის შეფერხება და სხვა გარემოებები, რომლებიც არ ექვემდებარება მხარეთა კონტროლს.

სარჩევი

12. მარეგულირებელი კანონმდებლობა და დავების გადაწყვეტა

12.1. წინამდებარე წესები და პირობები რეგულირდება და განიმარტება საქართველოს მოქმედი კანონმდებლობის შესაბამისად.

12.2. წარმოშობილი დავა მხარეთა შორის წყდება მოლაპარაკების გზით. შეთანხმების მიუღწევლობის შემთხვევაში, დავას განიხილავს თბილისის საქალაქო სასამართლო.

12.3. ამ დოკუმენტის რომელიმე პუნქტის ბათილად ცნობა არ იწვევს მთლიანი ხელშეკრულების ან მისი სხვა პუნქტების ბათილობას.

სარჩევი

13. ცვლილებები და დამატებები

13.1. London Spot იტოვებს უფლებას, წინამდებარე დოკუმენტში ცალმხრივად შეიტანოს ცვლილებები ან/და დამატებები ამავე ვებგვერდზე გამოქვეყნების გზით.

13.2. ცვლილებების გამოქვეყნების შემდეგ მომხმარებლის მიერ ვებგვერდით სარგებლობის გაგრძელება მიიჩნევა ახალ პირობებზე თანხმობად.

სარჩევი